من اشعار سمو الامير فزاع

    شاطر
    avatar
    lamOo
    ▪םـُشْرِفـہْ▪
    ▪םـُشْرِفـہْ▪

    انثى ♣ مشَارَڪاتْي » : 18
    ♣ التسِجيلٌ » : 06/04/2011

    من اشعار سمو الامير فزاع

    مُساهمة  lamOo في الإثنين أبريل 11, 2011 1:30 am

    -------------------------------------------------
    خلاص يعني

    خلاص يعني كل شَيّ انتهى وراح خلاص يعني مـا بقينـا حبايـب
    يعني وعودك كلها كانـت مْـزاح والاّ انت ما لك في المحبّه رغايب
    وين العهود ووين لحظات الافـراح يعني تلاشت مع هبـوب الهبايـب
    القلب بعدك من له اليـوم يرتـاح من بعد ما هو في محبّتْـك ذايـب
    ياما على شانك تحمّلـت الاجـراح وياما جروحي من صدودك عطايب
    سرقتني عن جملة الناس يا صـاح والفكـر عنـدك ماخذنّـه نهايـب
    خِلّك يحبّك يا بَعَـدْ سِيْـد المْـلاح إن رحت عنّه راودنّـه مصايـب
    خَلّك معه دام الهوى حيل نضّـاح والواش رِدّه يا هوى البال خايـب
    ----------------------------------------------------------------------------------
    ممنوع أخذ الثار
    مهداه إلى اللواء ضاحي خلفان تميم

    شكواي (بو فارس) على اللي سرَقْني دامك خبيرٍ فـي أمـور الجريمـه
    شَخْصٍ أخَذْ قلبي وْصَـدّ وْهجَرْنـي من بعـد مـا كِنّـا نديـم ونديمـه
    زَور ملفّـات الغـرام وخدَعْـنـي بعد الأمـور الواضحـات السليمـه
    وافي أنـا بْحبّـه ولكـن صدمنـي والله يا (ضاحي) صَدْمتي به أليمـه
    ياما جَـرَحْ نـاسٍ ويامـا طعنّـي وياما نَهَبْ نـاسٍ وْكـلٍ خصيمـه
    لا تقول منّي، لا حَشَا هـوب منّـي ممنوع أخْذ الثـار ثـاري لزيمـه
    بْكَشْف الجريمه أمنكم مـا لَحَقْنـي مجرم ما بين الناس هـذي عظيمـه
    باعطيك من وصفـه ودوّر وعنّـي واعمل تحرّي فْ.. كل بيتٍ وخيمه
    كانـك لقيتـه لـى شبيـه الدمنّـي أبـو العيـون الناعسـات العديمـه
    أهو الذي بْحِسْنه يا (ضاحي) غلبْني ولا اظن ترضى لي أنـا بالهزيمـه
    -----------------------------------------------------------------------------------

    القضا بالقضا

    لا تحاول تعيد بدمعتك ما مضـى ما تداوي دموعك جرح طول البعاد
    إنتهى الحب يا اللى بيننا وانقضـى ولا بقى لك بقلبي غير ذكرى وداد
    كنت أجيك بْخفوقٍ فيه حبّ ورضا وكنت انته حبيبي غايتي والمـراد
    وكنت أشوفك حياتي جوّها والفضا وكنت يومٍ تغيب آموت هَمّ وْ نكاد
    بس خِذْها بْصَراحه القضا بالقضا ذوق كاسٍ شربته منْك اسمه عنـاد
    يرفض القلب مثلك به ودادٍ حظـى دامه انسان مثلك قطعةٍ من جمـاد
    ما تعيش المشاعر في خفوقٍ فضى كيف تبني ودادٍ له عنـادك عمـاد
    يا فقير المشاعر، يا شتات الشظـا المحبّه بوادي، وانـت والله بـواد
    -----------------------------------------------------
    أنا في الشعر..
    أنا في الشعر ابن هذاك إذا إنته تعَرْف الشعر أهيجْ في البحور أمواج، أمشّيها على كيفي
    واقول لك لا تجاريني ترى أمشي بدربٍ وعر واذا تبغي تجاريني ترى لك صامدٍ سيفي
    ولا تضمن تحوز النصر وانا بحرٍ وانته نهر واذا عارضت تيّاري تبرّى موجي وْسِيْفي
    وكم من واحدٍ غيرك تعرّض لي وجاه الكسر ودارت به هبوب رْيَاح في أقوى عواصيفي
    تهاجم سايل الأقلام وسطرٍ ما يهزّه سطر وإنته وينها افكارك عن بْيوتي وْتهديفي
    تبا روس العلا وانته تحوّل في طريقك حدر تحاول بس ما تِقْدَرْ بأن توصل مشاريفي
    نجوم الليل ماتنوِرْ إذا بيّن شعاع البدر وش اللي يجمع الوسمي على سحب ورْعد صيفي
    تشوف الجاذبيّه لي في هالدنيا تجرّك جر أنا عكسه أفرّك وين ما أبغي على كيفي
    ---------------------------------------------------
    صبري ملّني
    لِمِّني في مَحْجَر عْيونك حبيبي وخلّني خلّني آشوف نفسي في عيونك واطمئن
    دامِك إن سَلْهَمْت بالرمش الظليل تْفِلّني (لعنبو) ذا الرمش كيف انّي من اسبابه أجِن
    حبّك اللِّي تَلّ قلبي من بَعَدْ ما تَلّني صِدْق أنا ميّت بحبّك كانها عيونك كَفَن
    إجْمَعْ اللِّي باقيٍ منّي شتات ودلّني شوفني ذاك الغريب اللي يدوّر عن وطن
    صَدّك اللي هَدّ حيلي والجفا لي علّني ليه قلبين المحبّه بالمحبّه ما الْتِقَن
    قلت ابـ اصبر والصَبِر من زود صبري ملّني وقلت ابـ انسى واثر طيفك صار له عقلي سجن
    ضاعت دْروب المحبّه والحزن ما ضلّني يا حسافه ذي الليالي.. ذي الليالي ما انصفَنْ
    لا تهلّ دْموع من عينك أخاف تْهِلّني خايف أطْلَعْ من عيونك لا من فْـ يومٍ بكن
    avatar
    ᗩиġεℓ
    ▪آڷآدآرهـ▪
    ▪آڷآدآرهـ▪

    انثى ♣ مشَارَڪاتْي » : 270
    ♣ التسِجيلٌ » : 19/03/2011

    من اشعار سمو الامير فزاع

    مُساهمة  ᗩиġεℓ في الجمعة يونيو 03, 2011 11:22 pm

    يسلمـووووو يـآعسسسل عالاشعــآر الحلوة ...
    نورتي المنتدى
    Smile I love you
    avatar
    ɱɨȘș. ɉȫɉȫ
    ▪םـُشْرِفـہْ▪
    ▪םـُشْرِفـہْ▪

    انثى ♣ مشَارَڪاتْي » : 292
    ♣ التسِجيلٌ » : 22/03/2011
    العمر : 27
    ♣ مَوقِعي » : ............

    رد: من اشعار سمو الامير فزاع

    مُساهمة  ɱɨȘș. ɉȫɉȫ في الأربعاء أغسطس 31, 2011 8:39 am

    تسلمي على الا شعار الحلوة Very Happy
    avatar
    Ϻάṣɋủεᴙάᴆε ɋủεεᵰ ♚
    ▪ نائبة المديرهـ▪
    ▪ نائبة المديرهـ▪

    انثى ♣ مشَارَڪاتْي » : 327
    ♣ التسِجيلٌ » : 19/03/2011
    ♣ مَوقِعي » : جنب ايونهيوك أوبـآ ~ ❥

    رد: من اشعار سمو الامير فزاع

    مُساهمة  Ϻάṣɋủεᴙάᴆε ɋủεεᵰ ♚ في الأربعاء أغسطس 31, 2011 8:42 am

    مـشكورة .. ❥


    _________________

      الوقت/التاريخ الآن هو الخميس أكتوبر 18, 2018 5:25 am